Голманот на македонската ракометна репрезентација Борко Ристовски во новата сезона ќе биде клубски колега на Кирил Лазаров во дресот на Барселона.
Ристовски ќе застане на голот на каталонскиот гигант и актуелен европски шампион, а ќе го замени Даниел Шариќ, кој ја напушта Блауграна.
Борко Ристовски наводно потпишал договор на две години, а македонскиот репрезентативец со преминот во РНЛ и одличните партии го привлече вниманието на Барселона која на крајот на сезоната ќе остане само со шпанскиот репрезентативен голман Гонсало Перез де Варгас.
Сепак Ристовски е во дилема каде да ја продолжи кариерата, бидејќи и неговиот сегашен клуб РНЛ му понуди продолжување на договорот.
Новиот клуб за Ристовски е вкупно трет во Шпанија, бидејќи претходно настапуваше за екипите на Теукро во (2006 и 2007) и Алгесирас (2007).