ПМФЛ: Вардар минимално го победи Работнички во дерби средбата од 6.коло

Во првата фудбалска лига на Македонија се одиграа натпреварите од 6.коло.

вардар-работнички

Лидерот Вардар во градското дерби го победи Работнички со 1-0 на арената Филип 2.

Бобан Николов е херојот на „црвено-црните“ кои ја продолжија победничката серија.

Голот падна во 28. минута кога Балотели шутираше од далечина, Шишковски одбрани, а топката од стативата дојде до Николов кој реализираше за водство кое значеше и победа.

Во другите средби Шкендија со убедливи 3-0 ја совлада Македонија Ѓорче Петров.

Хасани постигна два гола, еднаш Џангаровски ја затресе сопствената мрежа.

Шкупи го победи Пелистер со 2-1, а немаше голови на натпреварите Победа-Брегалница и Силекс-Ренова.

По шест одиграни кола, Вардар е прв со 16 бода, Работнички има 12, Пелистер и Шкендија по 10, но тетовскиот тим има и натпревар помалку.

Следното 7 коло се игра на 25 септември каде ќе гледаме нов дерби натпревар помеѓу Работинички и Шкендија.

Инсерти од мечот…