Видео: МЗТ Скопје ја декласира У.Олимпија за 5-та победа во АБА лигата

Кошаркарите на МЗТ Скопје во СЦ Јане Сандански конечно стигна до нова победа и одигра еден квалитетен меч во АБА лигата, победувајчи ја убедливо Унион Олимпија со 81:62.

mzt pobeda

На првиот меч на МЗТ Скопје во АБА лигата без тренерот Алеш Пипан кој си поднесе оставка по поразот од Цедевита во минатото коло, стигна до победа под водство на неговиот асистент Александар Јончевски и до петиот триумф во сезоната.

Најефикасен кај домашниот тим беше репрезентативецот Дамјан Стојановски со 20 поени, Протиќ и Луковиќ постигнаа 14, односно 13 поени.

Одбраната одигра голема улога кај МЗТ Скопје во победата и сите кошаркари максимално се потрудија во овој сегмент од натпреварот.

Со оваа победа МЗТ Скопје конечно доби шанса да се тргне од дното на табелата, со надеж дека со оваа убедлива победа ќе ја врати публиката во „ СЦ Јане Сандански“.

mzt pobeda1

Следен противник на МЗТ Скопје во регионалното натпреварување ќе биде Металац, а натпреварот се игра на 19 декември во Ваљево.

Ова се најинтересните моменти од натпеварот МЗТ Скопје – Унион Олимпија…