На 5-от ден од тенискиот гренслем Австралија Опен не се случија изненадувања, па така фаворитите обезбедија пласман во следното коло.
Роџер Федерер стигна до својата 300-та победа на гренслем турнирите откако со 3-1 во сетови го победи Григор Димитров во 3.коло со 6:4, 3:6, 6:1, 6:4.
Федерер, против Димитров, загуби еден сет, но сепак со рутинска игра за 156 минути избори пласман во четвртото коло на Грен слемот во Мелбурн.
Федерер е единствениот играч кој на четирите најголеми турнири стигнал до 300 победи. Далеку зад Швајцарецот се Џими Конорс со 233 победи, односно Андре Агаси 224 и Иван Лендл.
Сепак најголема закана за рекордот на Федерер претставува најдобриот во светот Новак Џоковиќ, кој има 209 победи.
Пласман во 4.коло обезбедија уште и Гофин, Нишикори, Симон, Џоковиќ.
Кај дамите Серена Вилијамс и Марија Шарапова со 2-0 во сетови се пласираа во 4.коло по победите над Касаткина и Дејвис.
Во следното коло се пласираа и Бенчиќ, Радванска, Гаспарјан, а изненадена беше Винчи која загуби од Фридсан со 2-1 во сетови 0-6, 6-4 и 6-4.