Грчки АЕК вечерва (20:45 часот) во Атина го пречекува Динамо од Загреб во одложениот натпревар од квалификациите за Лигата на шампионите.
![](https://i0.wp.com/sporty.mk/wp-content/uploads/2023/08/aek.jpg?resize=800%2C534&ssl=1)
По страшните нереди во кои загина навивачот на грчкиот клуб Михалис Кацурис, УЕФА одлучи да го одложи натпреварот.
Во вторникот го одиграа првиот натпревар во Загреб и АЕК по пресврт славеше со 1:2, а денеска е закажан реваншот во Атина.
По страшните настани владее невидена тензија. Натпреварот беше прогласен за натпревар од висок ризик и безбедносните мерки беа подигнати на највисоко ниво.
На грците им дојде памет и сега ништо не оставаат на случајноста.
На граничните премини кон Грција има задржувања бидејќи се е проверено и не се пропуштаат хрватски државјани да влезат во земјава.
На стадионот „Опап“, каде што ќе се игра натпреварот, според грците ќе има илјадници полицајци. Ангажирани се хеликоптери и дронови кои го прелетуваат стадионот.
Портите на стадионот ќе се отворат три часа пред натпреварот, а на трибините се очекува да има околу 30.000 навивачи. Се разбира, само на АЕК.