Долго очекуваниот бокс меч за светски шампион во тешка категорија меѓу Британецот Тајсон Фјури и Украинецот Владимир Кличко ќе се одржи на 29 октомври во Манчестер.
Фјури, на својот „твитер“ профил напишал: „Конечно сме тука, наскоро очекувајте објава за мечот Фјури – Кличко.
,,Имаше многу политички глупости, но се е завршено, Манчестер Арената е резервирана за 29 октомври.
,,Боксерите се спремни, адвокатите и промотерите исто“.
Римечот беше одложуван во неколку наврати, а последниот кој требаше да се одржи на 9 јули се одложи поради повреда на Фјури.
Британецот минатиот ноември му го нанесе првиот пораз на Владимир Кличко по 11 години по што ги освои шампионските појаси во четирите верзии (WBA, WBO, IBO и IBF).
Оваа последната му беше одземена на Фјури бидејќи се реши на меч со Кличко наместо да боксува против првиот предизвикувач Вјачеслав Глазков.