AUS Open 2016: Мареј-Раониќ и Кербер-Конта последни 1/2 финални двојки

На тенискиот гренслем Австралија опен комплетирани се полуфиналните парови во машка и женска конкуренција.

andy-murray-david-ferrer

Кај мажите во второто полуфинале ќе играат Мареј и Раониќ. Мареј го победи Ферер во полуфиналето во Мелбурн, и ја забележа четвртата победа во петтиот дуел со Ферер, овојпат со 3-1 во сетови 6:3, 6:7, 6:2, 6:3 по 199 минути игра.

Милош Раониќ пак во 1/4 финалето славеше над Гаел Монфис со 3:1 во сетови 6:3, 3:6, 6:3, 6:4.

Полуфиналето во Мелбурн е второ за Раониќ на некој од Грен слем турнирите, откако пред две години играше во полуфиналето на Вимблдон.

Раониќ и Мареј својот полуфинален меч ќе го одиграат во петок, од 9:30 часот по средноевропско време.

Утре во истиот термин, во првото полуфинале ќе се сретнат Новак Џоковиќ и Роџер Федерер.

Кај дамите во полуфиналето ќе играат Британката Џоана Конта и Германката Анжелик Кербер.

victoria-azarenka-angelique-kerber

Конта, во дуелот на тенисерки кои никогаш не играле во четвртфинале на некој Грен слем, славеше над Кинеската Шуаи Женг со 6:4, 6:1, а Кербер, ја изненади Викторија Азаренка и славеше со 6:3, 7:5.

Германката се избори за своето трето Грен слем полуфинале, прво на Австралија Опен.

Полуфиналето кај дамите се игра утре.