Точно на пладне, денеска во седиштето на УЕФА во Нион ќе се одржи извлекувањето за осминафиналето од Лигата на шампионите и шеснаесетфиналето во Лига Европа.
Во првиот „шешир“ се наоѓаат ќе бидат тимовите кои беа на првите места во групите: Реал Мадрид, Волфсбург, Атлетико Мадрид, Манчестер Сити, Барселона, Баерн, Челзи и Зенит.
Во вториот „шешир“ се второпласираните од групите: ПСЖ, ПСВ, Бенфика, Јувентус, Рома, Арсенал, Динамо Киев и Гент.
Распоредот на натпреварите дополнително ќе биде направен, а термините за првите средби и реваншите се: 16/17 февруари и 23/24 февруари (први дуели) и 8/9 и 15/16 март (реванши).
Исто така ќе биде извршено и извлекувањето на двојките за 1/16 финалето од Лига Европа. 32-та тима се поделени во два „шешира“ (носители и неносители).
Носители се: Молде, Ливерпул, Краснодар, Наполи, Рапид Виена, Брага, Лацио, Локомотив Москва, Базел, Тотенем, Шалке, Атлетик Билбао (победници на групи), Порто, Олимпијакос, Манчестер Јунајтед и Баер Леверкузен (третопласирани од ЛШ).
Неносители се: Фенербахче, Сион, Борусија Дортмунд, Митјиланд, Виљареал, Олимпик Марсеј, Сент Етиен, Спортинг, Фиорентина, Андерлехт, Спарта Прага, Аугсбург (второпласирани од групите во ЛЕ), Севиља, Валенсија, Галатасарај и Шахтјор (третопласирани од ЛШ).
Првите дуели се играат на 18 февруари, а реваншите 7 дена подоцна на 25 февруари.
Почетокот на извлекувањето за Лигата на шампионите е во 12 часот, а за Лига Европа еден час подоцна во 13 часот.