51 , 1
Ракометната репрезентација на Македонија од скопскиот аеродром „Филип Втори“ со чартер лет замина за Краков, Полска, ќе настапи на Европското првенство во ракомет 2016.
Ракометарите беа расположени и со оптимизам отпатуваа за Полска. Македонија е во исклучително тешка група заедно со Франција, домаќинот Полска и Србија.
На ова ЕП, Македонија отпатува добро подготвена и без проблеми со повредени ракометари.
Во подготовките со Словенија и Црна Гора, Македонија забележа две победи и две реми средби, без пораз.
Желбата е пласман во вториот круг и подобрување на пласманот од претходните шампионати.
Се очекува селекторот Ивица Обрван вечерва да го одработи и првиот тренинг на полско тло во салата „Таурон арена“ каде Македонија во петок игра против Франција во 18 часот.