Јунајтед го доби градското дерби со Сити, тинејџерот Рашфорд играч на мечот!

Loading

Во Англиската премиер лига се одигра градското дерби во Манчестер помеѓу Сити и Јунајтед.

Manchester City v Manchester United - Premier League

До минимална но вредна победа стигнаа гостите Манчестер Јунајтед со 1-0 во последниот натпревар од 31.коло.

Градското дерби на Итихад стадионот го реши тинејџерот Маркус Рашфорд кој го постигна единствениот гол 16.минута.

Тој доби топка од Мата, со дриблинг се ослободи од Демикелис и лесно го совлада Џо Харт.

Сити до крајот повеќе ја имаше топката во свој посед, но нападите на „граѓаните“ успешно ги одбиваше одбраната на Јунајтед.

Manchester City v Manchester United - Premier League

Агуеро беше најблиску до постигнување на гол, но еден негов обид со глава во финишот на мечот, заврши во дирекот.

Јунајтед со оваа победа се врати во трката за место кое води во Лигата на шампионите, сега има само бод помалку од Сити, кој се наоѓа на четвртото место.