Започна реализацијата на проектот “Таеквондо за секого”

Македонската таеквондо федерација втора година по ред започна со реализација на проектот “Таекводно за секого”

амс

За таа цел федерациајта доби поддршка од страна на Агенцијата за млади и спорт во висина од 40.000 денари.

Целта на проектот е децата од основните училишта да се запознаат со овој олимписки спорт, кој во нашата земја има долга традиција, а во последниве неколку години бележи и одлични резултати на меѓународната спортска сцена.

Најсвежи се одличните настапи на нашата репрезентација на неодамна завршеното Балканско пшрвенство, каде освоивме вкупно 13 медали, од кои и првиот златен медал во сениорска конкуренција.

амс2

Промоцијата на проектот се одржа во спортската сала на ОУ “Климент Охридски” во нас. Бутел, каде присуствуваа и директорот на АМС, Марјан Спасески и градоначалникот на општина Бутел, Петре Латиновски.

Претседателот на МТФ, Борче Костовски најави дека во секое одделение од ова училиште ќе се одржи еден училишен час по таекводно, од страна на лиценцирани тренери,а ќе бидат присутни и репрезентативци кои заедно ќе тренираат со децата.

Во следниот период ќе бидат посетени 10 основни училишта на територијата на Град Скопје, во насока на промоција и афирмација на овој спорт.

амс1

Директорот на АМС, Спасески ја поздрави иницијативата на МТФ и порача дека Агенцијата за млади и спорт ќе продолжи со поддршката на сите проекти кои ќе значат популаризација, омасовување и развој на македонскиот спорт.