Славниот Швеѓанец Златан Ибрахимовиќ нема намера да стави крај на својата играчка кариера, а денеска и официјално го продолжи договорот со Милан.
И покрај тоа што во октомври ќе наполни 41 година, и покрај тоа што во мај беше опериран на коленото и нема да биде на теренот барем до почетокот на следната година, во Милано решија на Ибрахимовиќ да му понудат продолжување на соработката, свесни за неговото влијание врз играчите и неговиот придонес пред се во создавањето атмосфера, но и на теренот кога е здрав.
Враќањето на Златан Ибрахимовиќ на „чизмата“ се покажа како полн погодок за „росонерите“ од Милано.
Искусниот напаѓач се врати на Сан Сиро во 2020 година од Лос Анџелес Галакси и одигра клучна улога во освојувањето на Скудетото минатата сезона.
А бидејќи закрепнувањето од операцијата ќе потрае и нема да биде на теренот неколку месеци, Ибра мораше да се согласи на значително помала плата.
Така во претстојната сезона ќе заработуваат и до седум пати помалку од минатата сезона.
Official Statement: @Ibra_official ➡️ https://t.co/8BgZOIZ2Lv
Comunicato Ufficiale: Zlatan Ibrahimović ➡️ https://t.co/0A2sQdJppp#ReadyToLeaveAMark #SempreMilan pic.twitter.com/GN44NS1cLJ
— AC Milan (@acmilan) July 18, 2022
Минатата година беше најплатен играч со 7.000.000 евра нето, додека според информациите на Џанлука ди Марчи, според писмото од новиот договор ќе заработи меѓу 1 и 1.500.000 евра плус бонуси кои ќе зависат од тимскиот и индивидуалниот учинок.
Минатата сезона одигра 23 натпревари во Серија А, постигна осум и асистираше за уште три гола, а во два мандати во дресот на „росонерите“ на 158 настапи, 92 пати ја погоди мрежата и постигна 35 асистенции.