Аргентинскиот фудбалер и член на Интер, Лаутаро Мартинез добил неверојатна понуда од неименуван клуб од Саудиска Арабија во висина од неверојатни 240 милиони евра!
![](https://i0.wp.com/sporty.mk/wp-content/uploads/2023/07/lautaro1.jpg?resize=800%2C533&ssl=1)
Станува збор за четиригодишен договор со кој би заработил 60 милиони евра по сезона, доколку реши да ја прифати понудата. Секако, тука е и прашањето за неговиот сегашен клуб Интер, кој би добил одредена сума на обештетување.
Информацијата за понудата ја пренесе аргентинскиот новинар Цезар Луис Мерло, но исто така нагласи дека:
„Лаутаро се уште не дал зелено светло и дека преговорите со италијанскиот тим се уште не се започнати“.
Затоа, само во случај Аргентинецот да се согласи, тимот од Арабија ќе тргне во офанзива.
![](https://i0.wp.com/sporty.mk/wp-content/uploads/2023/07/lautaro.jpg?resize=800%2C512&ssl=1)
Сега има јасен избор, дали ќе одлучи да ги прифати парите што нема да му ги понуди ниту еден европски клуб, нли ќе остане во Интер и со тимот ќе учествува во Лигата на шампионите?
Многумина ги избраа парите, како Кристијано Роналдо, Карим Бензема, Сергеј Милинковиќ-Савиќ, Канте…