Лео Меси летово пристигна во Пари Сен Жермен бидејќи Барселона немаше пари да го плати, но се уште се „бара“, и е далеку од старата форма кога доминираше во светскиот фудбал.
Освен што е потребно време за да се аклиматизира во новиот тим – се мачи и со повреди, поради што Маурисио Покетино го извади од мечот со Лил, бидејќи повеќе одеше отколку што учествуваше во играта.
Моментално одмора поради повреда и се надеваа дека ќе ја „скокне“ Аргентина, но од тоа нема да биде ништо поради клаузулата во договорот.
Имено, при потпишувањето на двегодишната соработка – Меси инсистираше дека постои клаузула која вели дека „Аргентина е приоритет“, односно дека може и покрај се да игра за репрезентацијата.
Тоа значи дека ПСЖ е на второ место, и дека и покрај се клубот не смее да се жали и да се заканува.
Така, Меси наместо да одмора и да се опоравува за натпреварите на Пари Сен Жермен, ќе одигра многу предизвикувачки натпревари за Аргентина против Уругвај и Бразил, каде исто така може да ризикува повреда.
Сепак, клубот од Париз не смее за ништо да му замери, таков е договорот и многу добро знаат што прифатиле.
Интересно е што Меси во репрезентацијата на Аргентина ќе игра со 18-годишниот Матијас Соуле, кој сезонава нема постигнато ниту еден гол во Серија Ц, како и Лео во првата лига на францускиот фудбал.