Каспер Руд е елиминиран во четвртфиналето на ATP турнирот во Сеул, па затоа во понеделник ќе има промени на АТП листата.
Руд ја брани титулата во Јужна Кореја, а само нова ќе му обезбедеше опстанок на второто место.
Па така сега на негово место, веднаш зад Карлос Алкараз од следната недела ќе биде Рафаел Надал, кој напредуваше и покрај тоа што не играше од УС Опен.
„Бикот од Мајорка“ ќе има 5.810 бодови, а Руд 5.645 бодови. Алкараз ќе остане на чело со 6.740 бодови.
![](https://i0.wp.com/sporty.mk/wp-content/uploads/2022/01/nadal.jpg?resize=800%2C546&ssl=1)
За прв пат во овој век, двајца играчи од иста земја ќе ги држат првите две места на АТП листата.
Последен пат тоа се случи на 7 август 2000 година, кога Американците Андре Агаси и Пит Сампрас беа на врвот.
Сепак, Руд веќе го обезбеди своето место на завршниот Мастерс кој ќе се игра во Торино од 14 до 21 ноември.
![](https://i0.wp.com/sporty.mk/wp-content/uploads/2022/09/Alkaraz-Nadal.jpg?resize=800%2C599&ssl=1)