Македонија оди на СП 2017, Чешка не издржа во тврдината СЦ Борис Трајковски!

Loading

Ракометна Македонија ќе игра на СП во ракомет што во јануари 2017 година ќе се одржи во Франција.

ракометна македонија

Тоа е епологот од синоќешниот реванш дуел против Чешка во баражот за пласман на ракометниот мундијал.

И покрај поразот во Злин од 6 гола разлика 28-22, македонските ракометари успеаа да се изборат за завршницата на СП следната година.

Притисокот беше голем, но избраниците на Лино Червар ја анулираа разликата од 6 гола на првата средба и со победа од 7 голови 34-27 да ја однесат Македонија до севкупна победа над Чешка.

Македонија уште по првото полувреме ја анулираше негативата и на одмор отидовме со 8 голови разлика 19-11.

Во второто полувреме во еден миг Македонија имаше и 11 голови предност, но до крајот резултатот постојано се нишаше на 8 и 9 гола.

Најдраматичен беше крајот од натпреварот, кога на минута ипол пред истекувањето на времето Чесите намалија и на седум разлика.

mirko

Дејан Манасков даде 11 гола, 8 постигна Кире Лазаров, а Филип Миркуловски се прости со 6 гола.

Ова беше фантастичен натпревар, со кој ветераните Наумче Мојсоски и Филип Миркуловски и официјално се простија од националниот дрес.

mojso

Светското првенство во Франција ќе се одржи од 11 до 29 јануари и ќе биде петто за Македонија, а вкупно деветти настап на големите собири и шести во континуитет од 2012 наваму.

Пласман на Светското во Франција изборија: Македонија, Белорусија, Шведска, Данска, Унгарија, Полска, Словенија и Русија.

Последниот бараж дуел се игра вечерва Португалија е домаќин на Исланд, а на првиот дуел Исланд победи со 26:23.

Браво момци уште еднаш ја направивте Македонија горда!