Томаш Стракоша е многу блиску и официјално да стане нов играч на Манчестер Јунајтед.
Иако се споменуваше дека Томаш Стракоша ќе му стане нов соиграч на Александар Митровиќ во Фулам, тој ќе стане засилување на Ерик тен Хаг и конкуренција на Давид де Геа!
Медиумите на Островот пишуваат дека Манчестер Јунајтед практично го комплетирал доаѓањето на поранешниот голман на Лацио на „Олд Трафорд“.
Стракоша, е роден во Атина, а неодамна му истече договорот со римскиот тим.
Овој 27-годишен голман на албанската репрезентација така ќе пристигне во Јунајтед и ќе му стане конкуренција на Де Хеа, откако „црвените ѓаволи“ го пуштија Дин Хендерсон на позајмица во Нотингем Форест.
Така Стракоша нема да заврши во Фулам, таму треба да оди Бернд Лено, поранешниот голман на Арсенал.
Еве едно неочекувано засилување во Јунајтед, додека сите навивачи се загрижени што ќе биде со Кристијано Роналдо, кој би сакал да си замине од „Олд Трафорд“…
Manchester United are closing in on a deal for goalkeeper Thomas Strakosha. The 27 year old Albanian international is available on a free transfer after leaving Lazio. Fulham were keen and enquired but they’re due to sign Bernd Leno from Arsenal instead #mufc #ffc #epl pic.twitter.com/Xg5P6sqDIZ
— Mr Geoff Peters (@mrgeoffpeters) July 9, 2022