Можеби не е толку атрактивно како некои други дербија, но дуелите меѓу Олимпик Марсеј и Пари Сен Жермен секогаш го носеа префиксот „висок ризик“.
Првиот француски „Ле класик“ оваа сезона ќе се игра во Марсеј на стадионот „Велодром“ во недела од 20 часот и 45 минути.
Пари Сен Жермен моментално е прв со 27 бодови, Марсеј трет со 17 бодови.
Француската полиција со денови е во состојба на готовност. Нивната работа беше олеснета со одлуката на лигата симпатизерите на ПСЖ да не можат да поминат 700 километри, но не е исклучено парижаните да пристигнат во Марсеј за да направат хаос на улиците.
Затоа е донесена одлука на влезовите во градот да се стационираат голем број полицајци и да се вратат сите „храбри“ од Париз.
Поголемиот дел од полицијата сигурно ќе биде во самиот град. Со одлука на градот, собирањето во парковите ќе биде забрането уште во 12 часот, а кафулињата и пабовите ќе бидат затворени два часа пред почетокот на дербито.
Ако веќе се на добар пат да ги спречат навивачките судири, полицијата има задача и да ги заштити ѕвездите на Пари Сен Жермен. Направен е план за заштита на Меси, Нејмар и Мбапе од можни проектили од трибините.
Освен најавата дека ќе има детален увид на влезовите и строги контроли, домашните навивачи ќе бидат како во кафез. Ќе бидат опкружени со висока мрежа за ништо да не може да лета од трибините до теренот, ниту навивачите да влезат на теренот.