Ерлинг Халанд продолжи да ги радува фудбалските фанови ширум светот со уште едно фантастично достигнување.
За време на својата прва сезона на островот, Халанд успеа да собори голем број рекорди, а сега стана првиот фудбалер од елитното фудбалско ниво во Англија кој постигнал 50 или повеќе голови во една сезона во сите натпреварувања, од 1931 година!
Тешко е да се изброи колку врвни централни напаѓачи поминале низ англискиот фудбал во период од 92 години, но ниту еден не успеал да го стори тоа.
Erling Haaland is the first player to score 50+ goals across all competitions in a single English top-flight season since 1931…
NINETY-TWO YEARS AGO. 🤯 pic.twitter.com/eynATE8aMt
— Squawka (@Squawka) April 30, 2023
Овој учинок Норвежанецот го оствари на гостувањето кај Фулам во 34. коло од Премиер лигата. Тој од пенал им донесе предност на „граѓаните“ и го постигна 34-от гол во ова натпреварување.
Погоди уште 12 пати во Лигата на шампионите, три пати во ФА Купот и еднаш во Лига купот.
Претходно во април, Халанд стана рекордер на сите времиња по голови во Премиер лигата во сите натпреварувања во една сезона.
Бројката од 45 е нешто што на никој не му успеало од создавањето на Премиер лигата (во 1992 година).
Не заборавајте, тој е млад фудбалер… Ерлинг Халанд во јули ќе го прослави својот 23-ти роденден.