АМС: Прием на македонската таеквондо репрезентација која освои 13 медали!

Во просториите на Агенцијата за млади и спорт беа претставници на македонската таеквондо репрезентација.

теквондо

Тие на неодамна завршеното Балканско првенство во Дупница, Бугарија го направија еден од најголемите успеси на македонското таеквондо со освојувањето на вкупно 13 медали од Балканско првенство, од кои и првиот златен медал во сениорска конкуренција.

 

Со овој настап и резултат повеќе од сигурно се подигна нивото на македонското таеквондо, затоа што е запишано на листата на земји кои освоиле Балкански сениорски медали.

Марко Стевиќ стана балкански шампион во категоријата -87 килограми, додека Костадин Георгиевски стигна до бронзениот медал.

Златни медали освоија Дејан Георгиевски во јунирска конкренција, Филип Додевски јуниор и Дебора Брнчаревиќ – пионери.

Сребрен медал освои Филип Стаменов во кадетска, а со бронзени медали се закитија: Сара Раевска, Ива Сандева, Ања Русовска, Фросина Раевска, Ненад Мрцковски, Јована Јанковска и Марко Аврамовски.

Резултатите на нашите натпреварувачи покажуваат и докажуваат дека таеквондото во нашата земја е во голем подем и допрва ќе очекуваме уште поголеми резултати на меѓународната спортска сцена, од страна на нашите репрезентативци.

теквондо1

,,Овие резултати се ветувачки и јас искрено очекувам и добри настапи и на престојните Европски и Светски првенства во кадетска и јуниорска конкуренција.

,,Агенцијата за млади и спорт во континуитет дава поддршка на Таеквондо федерацијата на Македонија, а годинава за меѓународната програма, односно за настапите на нашите репрезентативци на меѓународните натпреварувања и за стручната работа на тренерите се доделени вкупно 750.000 денари.

,,Дополнително, за реализација на проектот “Таеквондо за секого” и годинава обезбедивме 40.000 денари.

,,Ја користам оваа прилика уште еднаш да им честитам на репрезентативците за големиот успех и им порачувам да продолжат со вакви настапи и да ја радуваат македонската спортска јавност, изјави директорот на Агенцијата за млади и спорт Марјан Спасески.

Следува големиот Г-1 турнир во Белград, кој според бројот и квалитетот на учесниците ќе има тежина на мундијалски настан, и истовремено ќе биде последна проверка за настап на нашите претставници за претстојниот светски јуниорски таеквандо собир најавен за Ноември во Канада.