Видео: ЦСКА ја победи Барселона, Црвена З. славеше во Атина, Фенер со пресврт до победа!

Во кошаркарската Евролига започнаа натпреварите од 3.коло во ТОП 16 фазата.

fener

Најинтересно беше во Истанбул каде Фенербахче со пресврт славеше над рускиот тим Локомотив Кубан со 85-79.

Мечот се реши во завршните 10 минути кога Фенербахче имаше негатива од 9 поени, а домаќините со одлична игра и шут за три поени се вратија во мечот и стигнаа до победата.

Богдановиќ со 18, Весели со 17 и Датоме со 16 поени беа најефикасни кај турците, додека Перо Антиќ уфрли 8 поени. Кај гостите најефикасен беше Клавер со 21 поен.

Црвена Звезда со голема победа се враќа од Атина каде изненадувачки го победи Панатанаикос со 63-74. “Црвено белите” ги добија сите четвртини и имаа водство во текот на целиот натпревар па така со оваа победа останаа во игра за наредната фаза.

Најефикасен кај гостите беше Цирбес со 12 поени, а Лажиќ и Штимац уфрлија по 11. Гист уфрли 15, а Фелдин и Радуљица по 12 коша за Пао.

Цска Москва откако го победи Реал, славеше и над Барселона со 93-82. Хигинс со 20 поени и Воронцевич и Теодосиќ со 16 беа главните адути кај русите. Додека кај Барселона најефикасен беше Наваро со 16 поени.

Уникаха ја уништи Цедевита со 90-67. Сите 12 играчи во Шпанскиот состав постигнаа поени на овој натпревар, а најефикасен беше Кузминскас со 17 поени, следуваа Диез со 16 и Суарез со 11.

Нашиот репрезентативец Хендрикс постигна 5 поени. Кај Хрватите Бабиќ со 24 поени беше најефикасниот играч.

За вечерва предвидени се исто така 4 средби Кимки-Лаборал, Ефес-Дарушафака, Олимпијакос-Бамберг и Реал Мадрид-Жалгирис.