Куманово во Градски парк стигна до победа против Работнички со 87:76 во првиот натпревар од 16.коло на Првата македонска кошаркарска лига.
Работнички само во првата четвртина му парираше на гостинот од Куманово и ја доби со 23:21, а кумановци ги добија следните две четвртини со 25:19, односно 22:15 и разликата од 11 поени се покажа недостижна за центарци.
Најефикасен кај Куманово беше Александар Костовски со 23 поени, додека кај Работнички се истакна повратникот во клубот Диме Тасовски со 27 поени.
Вечерва уште играат и Фени Индустри – Кожув и Карпош Соколи – Струмица, додека Бест – МЗТ Скопје Аеродром ќе играат на 4-ти февруари.