Ракометниот клуб Вардар за претстојниот меч против унгарскиот тим Пик Сегед во Лигата на шампионите ќе биде драстично ослабен со неиграњето на средниот бек Игор Карачиќ.
Карачиќ не успеа да закрепне целосно од операцијата која ја имаше на почетокот на февруари, па тренерот Раул Гонзалес и овој пат ќе има скратен тим.
Игор веќе е во Скопје и полека се рехабилитира, меѓутоа лекарскиот тим процени дека не е треба да се ризикува, туку подобро е тој целосно да се врати во тренажен ритам и да биде максимално подготвен за следните натпревари.
Карачиќ имаше операција на хематом на тестисите, заработен на последниот натпревар на Европското првенство во Полска, во дресот на хрватската репрезентација.
Последниот дуел од групната фаза, РК Вардар го игра против Монпеље, на 5 март во Скопје, но останува прашањето дали Карачиќ ќе биде спремен и за тој натпревар.