Шпанскиот тенисер Рафаел Надал се повреди во финалето на Индијан Велс каде беше поразен од Тејлор Фриц.
Тој се здоби со повреда на реброто, која ќе го одвои одреден период од теренот.
Анхел Руиз Которо, докторот на Рафаел Надал ја коментираше повредата на „Бикот од Мајорка“.
,,Потребно е време за да заздрават скршениците на коските, тоа го знаат сите. Она што можеме да го направиме е да се прилагодиме на болката. Најважно во моментов е да се ослободите од болката. Кога ќе ја отстраниме болката, ќе почне да работи колку што е можно повеќе. Потоа, врз основа на тоа, ќе видиме дали и на кој начин можеме да придонесеме. Можам да кажам дека во моментов сме во логични рокови – изјави Которо.
🎾 Rafa Nadal sufre una fisura en las costillas. Charlamos con el Dr. Cotorro sobre esta lesión:
🗣️"Vamos a ir adaptando el trabajo en función del dolor. Los plazos de 4 a 6 semanas son bastante lógicos."
🔗 https://t.co/oSXItz9SD9 pic.twitter.com/tetYqUPx6f
— RadiogacetaRNE (@RadiogacetaRNE) March 22, 2022
Паузата би требало да трае четири до шест недели, ќе ги пропушти турнирите во Монте Карло и Барселона, додека за мастерсот во Мадрид можеби ќе биде подготвен.
Надал ја започна оваа сезона на импресивен начин, освои три титули и претрпе само еден пораз, оној во финалето на Индијан Велс од Тејлор Фриц.