Лионел Меси со двата гола даде голем придонес во победата од 4:1 на Пари Сен Жермен над Бриж во последното 6.коло.
Аргентинецот ги постигна последните два гола за парижаните, вториот од пенал. Тоа беше 22. пенал што Меси го изведе во Лигата на шампионите, со што се израмни со Роналдо.
Меси има 18 гола и четири промашувања од белата точка, а Роналдо 19 гола и три промашувања.
Меси во друг параметар стигна до својот голем ривал. Бриж е 38. клуб во Европа на кој му постигнал гол, па во таа статистика се израмни со Португалецот.