Кошаркарот на Голден Стејт, Стеф Кари уште еднаш покажа зошто многумина го сметаат за најдобар стрелец во историјата на НБА лигата.
Кари е во неверојатна стрелачка форма. Оваа сезона има просек од 31 поен на натпревар и процентот на шутеви за три поени од скоро 50 проценти. Само овој месец има во просек од преку 40 коша по натпревар.
Во поразот од Бостон од (119: 114), Кари постигна 47 поени од кои 11 тројки, а во еден поен направи магија …
Имено, во втората четвртина, Кари се обиде да изнуди фаул при шутот. Тој го подигна својот чувар со финта, а потоа ја фрли топката без да погледне со левата рака преку рамо … И топката влезе како капка!