Ги сумираме спортските настани кои ја одбележаа 2023 година. Без сомнение, „врвот“ е фудбалската Лига на шампиони.
Фудбалерите на Манчестер Сити конечно ја освоија Лигата на шампионите и по толку години огромни вложувања ја добија титулата европски првак.
Сити ја освои својата прва титула во стил без пораз. Лесно го освои првото место во групата со Борусија Дортмунд, Севиља и Копенхаген.
Потоа ја покажаа сета сила во нокаут фазата, а по ред паднаа тимови како Лајпциг, Баерн Минхен, Реал Мадрид и Интер во финалето.
Како започната целата одисеја од 15 години…..
Пред 15 години богатиот шеик го презеде клубот и го започна скапиот проект на Манчестер Сити.
Шеиците инвестираа 2,4 милијарди евра само во играчи во последните 15 години. Освоија седум титули во Премиер лигата, три ФА купа, шест Лига купови, три англиски Суперкупа.
Тие 19 трофеи ја задоволуваа формата, а не суштината. Колку што сопствениците од Емирати го поддржуваа тимот, инвестираа во нови засилувања по секој европски неуспех.
А сенката на неуспехот во ЛШ остана да лебди над спортскиот сектор на Сити.
Колку едно финале (2021) и четири полуфиналиња, три по ред (2015/16, 2020/21, 2021/22, 2022/23) е неуспех во денешниот фудбал е секогаш прашање на сериозна дебата.
Во 2016 Сити го донесе Пеп Гвардиола да го подигне пехарот.
Нема сезона кога на Шпанецот барем десет пати не му е поставено прашањето „кога ќе ја освоиш Лигата на шампионите“? Поранешниот тренер на Барселона и Баерн се обиде да објасни како фудбалот е специфичен спорт, а потоа ги крена рацете.
Од доаѓањето на Гвардиола, Сити инвестираше 1,2 милијарди евра во засилувања. Но не се откажа ниту по загубеното четвртфинале, финалето во Порто, ланската нереална елиминација од Реал, што се случува еднаш во 20 години.
И на крајот, трпението и визијата се исплатеа. На 10 јуни 2023 година Манчестер Сити стана шампион на Европа.