Јувентус беше казнет со 15 одземени бодови поради финансиски малверзации и „фризирање“ на своите книги, а потоа по одобрената жалба им ги вратија бодовите и повторно се најдоа на местото кое води во Лигата на шампионите.
Но по се изгледа сега повторно ги следи горчливо апче. Италијанските медиуми пренесуваат дека во понеделник Јувентус сепак ќе биде казнет поради „надувување на цените“ на фудбалерите при трансфери, со минус од 12 бода!
„Кориере дело спорт“ тврди дека обвинителството пронајде нови докази кои се доволни да ја побие претходната жалба, а тешко дека по новата казна – Јувентус ќе успее да избегне санкции.
Згора на тоа, на крајот можеби ќе можат да бидат задоволни што казната е толку „мала“.
Неофицијалните информации од истрагата велат дека казната е намалена само затоа што Павел Недвед, поранешен член на управата на клубот, бил изземен од целиот процес и прогласен за невин.
Затоа наместо 15 казнени поени ќе се намали на 12, иако претходните денови во Италија се зборуваше и за девет. Очигледно сериозно се „тргуваа“ бодови бидејќи се ближи крајот на сезоната, па секое одземање може да го промени изгледот на табелата.
Со „минус 12“ Јувентус ќе падне на 57 и со тоа од второто место ќе падне на осмото место. Автоматски тоа значи дека ќе останат без учество во Лигата на шампионите (исто така не можат да поминат низ Лига Европа), додека пак ќе имаат некаква шанса за настап во едно од двете послаби натпреварувања под капата на УЕФА.
Дури и тоа не е сигурно, бидејќи истрагата во Нион се води паралелно со истрагата во Италија, па УЕФА би можела да го казни Јувентус со тоа што ќе им даде пример на другите со исфрлање од нивните натпреварувања една или повеќе години.
Пред тоа, УЕФА вообичаено ги „наоструваше канџите“ на помалите клубови од источна Европа дури и за најмали прекршоци, додека побогатите обично ги штитеше за да не се отцепат и да започнат свое натпреварување, како што беше случајот со Лигата на богатите.
Новата казна на Јувентус, добро ќе ја искористат Лацио и Милан.