Никола Миротиќ и официјално заминува од Барселона и ќе игра за белградски Партизан.
Тој на вечера во Црна Гора ги договорил деталите од трансферот кој ја тресе Европа, пренесуваат српските медиуми.
И додека медиумите и заклучените во кошарката се занимаваат со темата Миротиќ и Партизан, познатиот кошаркар ужива на море.
Имено, тој се огласи неколку минути по објавата на сите европски медиуми дека потпишал за црно-белите.
Се споменуваа Олимпијакос, Монако, Панатинаикос, Олимпија Милано, Црвена звезда и Партизан, а Миротиќ конечно пресече и сака да се приклучи на тимот на Жељко Обрадовиќ.
Сега се појавија и првите информации за договорот со црно-белите. Договорот е потпишан за сезона 1+1.
Во првата сезона ќе добие 3,5 милиони евра плус можни бонуси за пласман во Ф4 на Евролигата, освојување на Евролигата и освојување на АБА лигата.
Миротиќ зад себе има завидна кариера во која играше за голем број големи клубови како Реал Мадрид и Барселона во Европа и Чикаго Булс, Милвоки Бакс и Њу Орлеанс Пеликанс во НБА лигата.
Во текот на минатата сезона во редовите на Барселона во Евролигата забележа 14 поени и 5 скока по натпревар.