Најдобар настап на Македонските таеквандо борци на “Топ Тирана Опен”

Loading

Изминатиов викенд во соседна Албанија се одржа квалитетен турнир во таеквандо, на кој земаа настап над 500 натпреварувачи од 70 клубови од Европа.

ams priem taekvando

Македонските борачи нанижаа по три сребра и бронзи и осум златни одличја од вкупно 15 натпреварувачи, што го направи овој настап еден од најквалитетните досега.

Со две злата во сениорска и јуниорска конкуренција клубот Бутел е освојувач на два пехара, што значи севкупен клубски победник на “Тирана Опен”.

По тој повод Агенцијата за млади и спорт организираше прием на медалистите, на кој директорот Марјан Спасески им честиташе на одличниот настап и посака истото да се повтори на следните меѓународни настапи.

ams priem taekvando 1

,,Сите натпреварувачи на турниров се репрезентативци на Македонија во соодветна категорија, што укажува на фактот дека таеквандото во нашата земја е во голем подем и допрва ќе очекуваме уште поголеми резултати на меѓународна спортска сцена.

,,Се надевам дека ваквите резултати ќе се пресликаат и на националниот тим и дека овој турнир ќе биде одлична подготовка за Европското кадетско во Романија и Светското јуниорско чиј домаќин ќе биде Канада изјави директорот на АМС, Марјан Спасески.

ams priem taekvando 3

Агенцијата за млади и спорт во континуитет дава поддршка на Таеквандо федерацијата на Македонија, а годинава само по првиот оглас за меѓународната програма и стручна работа на тренерите се доделени вкупно 620 000 денари.