Маер го доби германскиот двобој против Зверев за титула во Хејл!

Во германска борба во финалето на Гери Вебер опен во Хале, ветеранот Флоријан Маер беше подобар од новата тениска надеж Александер Зверев, победувајќи го со 6:2/5:7/6:3 за одлична титула.

маер

19-годишниот Зверев, од кој Германците очекуваат да биде следниот германски гренд слем шампион во блиска иднина, во полуфиналето го „шокираше“ осумкратниот шампион од турнирот, Роџер Федерер, меѓутоа не можеше да го повтори истото со 32-годишниот Маер.

За Маер пак, ова е само втора АТП титула во кариерата, и прва на трева, откако претходно победи на Букурешт опен во 2011 година.

Маер ќе скокне од 192. место на АТП листата над 125 места и ќе биде меѓу најдобрите 60 во светот.