По неколкудневен молк, Роџер Федерер (41) проговори за победата на Новак Џоковиќ на Ролан Гарос.
Откако Рафаел Надал двапати му честиташе на Србинот, и Швајцарецот имаше убави зборови за својот голем ривал и призна дека е среќен за неговиот успех:
„Новак ја притисна својата 23-та титула и се чини дека ќе победува уште долго време. Тоа е одлично. И му посакувам се најдобро. Исто така, начинот на кој го прави тоа, тој веќе не е најмлад и го забораваме тоа, бидејќи изгледа младо и победува како да е млад, а тоа не е лесно.
„Мислам дека е неверојатно тоа што го направи Новак. Одлично е за тенисот, одлично е за спортот, кога тенисот ја пишува сопствената историја. Се надоврзува на она што го видовме од Серена Вилијамс, од Рафа, од мене, сега од Новак. И ова е одлично време за тенис. Одлично е да се биде љубител на тенис, исто како што е одлично да се биде играч“, додаде Федерер.
Тој се осврна и на периодот кога почнал во деведесеттите….
„Се сеќавам кога дојдов на АТП турнејата и Пит Сампрас освои 14 Грен слемови. Мислевме: „Во ред, тој рекорд ќе трае вечно“. Верувам дека ќе продолжи да го прави тоа уште долго“, изјави Федерер.
фото: ap kin cheung, EPA Andy Rain
Федерер се пензионираше минатата година токму во присуство на Новак во Лондон, каде со солзи го играше Лејвер купот и во солзи се прости од активното играње.
Во текот на својата голема кариера, Федерер освои дури 20 Грен слем титули и долго време беше лидер во таа трка.
Последниот грен слем трофеј го подигна во 2018 година на Австралија опен, а најуспешен беше на Вимблдон каде осум пати беше шампион.