Српскиот тенисер Новак Џоковиќ го потврди учеството во Лејвер купот и заедно со Роџер Федерер, Рафаел Надал и Енди Мареј ќе бидат дел од „Тим Европа“.
![](https://i0.wp.com/sporty.mk/wp-content/uploads/2022/07/laver-cup-2022-the-big-four.png?resize=800%2C450&ssl=1)
Новак последен пат настапи во Лејвер купот во 2018 година во Чикаго, кога со Европејците го освои шампионскиот трофеј.
„Возбуден сум што се враќам во Тимот на Европа. Ова е единственото натпреварување каде што играте како тим со момци против кои обично се натпреварувате. Играњето со Рафа, Роџер и Енди – тројца од моите најголеми ривали – ќе биде навистина уникатен момент во историјата на нашиот спорт“, рече Џоковиќ.
На сите претходни изданија славеше „Тим Европа“ – во Прага 2017, Чикаго 2018, Женева 2019 и Бостон 2021 година, а засега не се знае кои ќе бидат уште двајца членови.
Од друга страна, „Светскиот тим“ на Џон Мекинро моментално го сочинуваат Канаѓанецот Феликс Огер-Алиасим, Американецот Тејлор Фриц и Аргентинецот Диего Шварцман.
https://twitter.com/LaverCup/status/1550391014912696320/photo/1