Дали е можно?! Пропаѓа еден од најголемите летни трансфери!

Loading

Роберт Левандовски бараше Баерн да го пушти во Барселона по осум години минати во Минхен.

Но сега германските и шпанските медиуми пишуваат дека тој наеднаш се оладил од очекуваниот трансфер. Причината е најавата на Хавиер Тебас, претседателот на Ла Лига.

„Барселона многу добро знае какви се правилата на Ла Лига и каква е нивната финансиска состојба и што треба да направат за да доведат нови играчи. Не знам дали ќе го продадат Де Јонг или Педри, но знаат што треба да направат, а тоа е зголемување на приходите. Имаше многу акумулирани загуби во последниве години кои можеше да ги избегне со складирање акции како Реал, на пример. Додека Барселона ги празнеше. Затоа сега не може да го регистрира Левандовски.

Претседателот на Барселона Жоан Лапорта одговори:

„Тебас треба да се воздржи од вакви коментари дали Барселона може или нема да донесе играч бидејќи тоа им штети на интересите на нашиот клуб. Тој го прави токму тоа, им штети на интересите на Барселона“. Сепак, факт е дека Барселона се уште не може да ги регистрира Франк Кеси и Андреас Кристенсен, играчи кои доаѓаат на Ноу Камп без обештетување.

За да го направи тоа мора да продаде дел од играчите од актуелниот ростер.

„Мундо Депортиво“ пишува дека по оваа објава на претседателот на Ла Лига, Лапорта  му се јавил на Пини Захави, агентот на Роберт Левандовски и му побарал објаснување.

Каталонците додаваат дека Левандовски наеднаш се оладил од Барса откако го прочитал објаснувањето на Тебас.

 

 

ХАОС во Баерн – Левандовски сака да си оди, баварците не му даваат!