Српскиот кошаркарски стратег Душан Дуда Ивковиќ доби отказ од раковоството на Анадолу Ефес по поразот во дербито од лутиот ривал Фенербахче со 73:69.
,,Сакаме да му се заблагодариме за сé што направи за клубот и му посакуваме успех во понатамошната кариера“, стои во соопштението објавено на клупската интернет страница.
Ивковиќ, Ефес го презеде во јуни 2014 година, кога потпиша двегодишен договор.
Ефес оваа сезона не успеа да се пласира во четвртфиналето во Евролигата, додека во турското првенство се наоѓа на првото место со два бода повеќе од Фенербахче, но поразот од најголемиот ривал беше клучен за отказот на Дуда.