Стефан Ел Шарави во продолжение на италијанскиот шампионатот ќе го носи дресот на Рома.
Тој се враќа во Италија откако играше во Монако и во следните 6 месеци ќе го носи дресот Рома.
Ел Шарави доаѓа на „Олимпико“ како позајмен играч од Милан, а Рома за позајмицата ќе плати 2 милиони евра, со опција дека потоа ќе може да го откупи целиот договор за дополнителни 13 милиони евра.
Стефан Ел Шарави ги мине медицинските прегледи и се очекува да стави потпис на договорот со Рома, а „Фараонот“ сака да се наметне кај селекторот Антонио Конте за настап на ЕП 2016 во Франција.
„Мотивиран сум. Малку ми е чудно, но со гордост ќе го носам дресот на Рома“, изјави Ел Шарави.