Колумбиецот Џексон Мартинез беше еден од најбараните голгетери во летниот преоден рок.
Тој одлучи кариерата да ја продолжи во шпанската примера лига во редовите на Атлетико Мадрид каде се очекуваше уште повеќе да блесне и да биде еден од главните адути на Диего Симеоне оваа сезона.
Но, Порто не е Атлетико Мадрид, а Мартинез на 12 натпревари во сите натпреварувања постигна само 3 гола, а пред крајот на полусезоната и се повреди.
Агентот на Џексон изјави дека не е исклучена можноста тој да замине на позајмица во вториот дел од сезоната и тоа во Англиската премиерлига.
Челзи и Тотенхем се заинтересирани за него да го позајмат до јуни 2016 година. Мартинез го чинеше Атлетико 29 милиони фунти и засега воопшто не импресионираше за да ги оправда вложените средства.
Дали ќе се случи позајмицата останува да видиме.