Агенцијата за млади и спорт го објави Конкурсот за доделување средства на субјекти кои реализираат програми од јавен интерес во областа на спортот.
На Конкурсот кој ќе трае до 29 јануари учество може да земат субјектите кои ги исполнуваат условите, односно Националните спортски федерации и Институтот за спорт при Факултетот за физичко образование, спорт и здравје.
– Апликациите за учество на „Конкурсот за доделување средства за 2016 година може да се превземат од официјалната интернет страна на Агенција за млади и спорт – www.ams.gov.mk во кои е даден опис на ставки по кои апликантите треба да се раководат.
Сите заинтересирани страни кои ги исполнуваат критериумите може да ги достават апликациите на адресата на Агенцијата за млади и спорт – ул: „Македонија“, бр.38 (Палата „Панко Брашнаров“) 1000 Скопје со назнака: ЗА „КОНКУРС 2016“, соопштија од АМС.