Шпанскиот тенисер Рафаел Надал нема играно од Австралија опен, го пропушти Мастерсот во Монте Карло, нема да игра во Барселона, а прашање е дали ќе настапи на Мастерсот и во Мадрид.
Она што не би било неочекувано е дека сопственикот на 22 Грен слем титули наскоро ја завршува кариерата!?
Поранешниот американски тенисер Енди Родик проговори за кариерата на Рафаел Надал.
,,Ова може да биде почеток на крајот на Надал. Сепак, дали некој од нас мислеше дека лани ќе биде здрав, ќе освои два слема и ќе игра солидно во првите седум месеци? Веројатно не – рече Родик.
,,Интервалот меѓу неговите повреди е се пократок, се чини дека тие сега се таложат. Порано паузираше три-четири месеци, но се враќаше сосема здрав. Сега се чини дека од последниот Вимблдон не беше целосно подготвен – изјави поранешниот број 1.
Надал ја брани титулата на Ролан Гарос, кој започнува на 28 мај.