По срамниот инцидент на вечното белградско дерби во АБА лигата, центарот на Партизан, Матијас Лесор се најде на удар на жесток напад од навивачите на Црвена Звезда.
Францускиот кошаркар предизвика голем скандал на натпреварот, бидејќи по последниот звук на сирената, дивјачки го нападна центарот на Звезда, Филип Петрушев и двапати го удри со тупаница.
Тој со својот срамен испад фрли црна сенка на големиот триумф на својот тим, ја згрози целата спортска јавност и предизвика невиден гнев кај приврзаниците на Црвена звезда.
Црвено-белите навивачи фрлаа дрвја и камења по црно-белиот кошаркар, а дека целата работа отиде предалеку најдобро говори заканувачките содржини кои секоја минута пристигнуваат на „адресата“ на Французинот.
На социјалните мрежи исто како на снимка се упатуваат болни смртни закани, расистички навреди, провокации и повици за линч на кошаркарот на Партизан. Страшни пораки кои не може да ги смисли ниту еден нормален ум.
Го нарекуваат разни погрдни имиња, го навредуваат на расна основа и велат дека во Пионир го чека вистински пекол.
Повик за линч
Претседателот на општина Баточина, Здравко Младеновиќ отиде чекор понатаму – на Твитер јавно повика на линч на Матијас Лесор.
„Апелирам до делиите од Белград пова и ваквото дивјаштво на добитокот на Лесор да се потрудат да го поштедат секоја минута од неговиот престој во Белград. Сум видел секакви работи на дербито на КК и ФК, но уште не вакво го**о и дивјак“, рече Младеновиќ.
Тоа што Матијас Лесор го направи на мечот е недозволено за спортист и е апсолутно за осуда, но не го оправдува скандалозното однесување на симпатизерите на Звезда, кои со своите страшни навреди и закани ги преминаа сите можни граници.
Работите сериозно излегоа од контрола…
