Златан Ибрахимовиќ и неговиот Милан го кренаа трофејот наменет за шампионот на италијанската Серија А.
Титулата која Росонерите ја чекаа цели 11 години, маестралниот 40-годишен Швеѓанец му ја посвети на неодамна починатиот агент Мино Раиола.
„Ова е за Раиола. Сакаше да бидам во Милан, ми рече дека можам да го спасам клубот и да го вратам на највисоко ниво“, вели Ибра, откривајќи што сега би го советувал Мино:
,,Ќе ми кажеше да играм уште 10 години и да земам што повеќе пари“.
Ибрахимовиќ по освојувањето на трофејот зборуваше и за плановите за иднината.
„Ако се чувствувам добро физички, ќе продолжам да играм. Кога сум на теренот правам разлика“, изјави одличниот напаѓач.
