Животната драма на Јелена Докиќ продолжува – Потресни зборови на поранешната тенисерка!

Прославената поранешна тенисерка Јелена Докиќ на својот Инстаграм профил објави фотографија и искрена исповед за тоа со што се бори последните шест месеци. 

фото: AP/Ed Betz

,,За малку ќе скокнав од 26 кат за да си го одземам животот. Никогаш нема да го заборавам тој ден. Сè е матно. Сè е темно. Ниту тон, ниту слика, ништо нема смисла… .. Само солзи, тага, депресија, анксиозност и болка.

,,Последните шест месеци беа тешки. Имаше постојано плачење, насекаде. Од криење во бањата на работа, бришење солзи за никој да не ги види, до незапирливо плачење дома во моите четири ѕида, беше неподносливо.

,,Се обвинувам себеси, мислам дека не сум достојна за љубов и се плашам. Знам и дека имам уште многу работи за кои треба да бидам благодарна, а потоа почнувам да се мразам себеси затоа што се чувствувам како да не сум благодарна, затоа што не можам да бидам, затоа што сакам да ставам крај на сето тоа. Таков маѓепсан круг во мојата глава.

Резултатот:

,,За малку ќе скокнав од балконот на 26 кат на 28 април. Никогаш нема да го заборавам тој ден, само сакав да престанат болките и страдањата. Отидов до работ, не знам ни како успеав.

Добивањето стручна помош ми го спаси животот

,,Ова не е лесно да се напише, но отсекогаш сум била отворена, искрена и ранлива кон сите вас и длабоко верувам во моќта на споделување на нашите приказни, да ни помогне да ги пребродиме работите и да си помагаме еден на друг.

фото: Instagram/dokic_jelena

,,Го пишувам ова затоа што знам дека не сум единствената што се мачи. Само знае дека не си сам. Нема да кажам дека сега ми оди одлично, но дефинитивно сум на пат кон опоравување. Некои денови се подобри од другите и понекогаш правам чекор напред-назад, но се борам и верувам дека можам да го пребродам ова.

Јас верувам во следново:

,,Во ред е да го чувствувам тоа што го чувствувам. Во ред е да си тажен, само продолжи да се бориш и да се вратш. Тоа е она што се обидувам да го направам и тоа е она што ме одржува. Не се срами од она што го чувствуваш.

,,Во ред е да се чувствуваш така и можеш да се вратиш од тоа. Можно е, само продолжете да верувате. Ве сакам сите и тука е борбата и опстанокот да живееме и да видиме уште еден ден. Ќе се вратам посилна од кога било – е текстот што го објави Јелена Докиќ под фотографијата на која нејзините очи се полни со солзи….