Француските власти ја зазедоа вилата на сопственикот на Челзи, Роман Абрамович на југот на Франција, која претходно како замок им припаѓаше на војводата и војвотката од Виндзор.
„Château de la Croë“ се наоѓа во еден од најпрестижните делови на француската ривиера – Cod Antibes – а локалните агенти за недвижности проценуваат дека вреди околу 110 милиони евра.
Изградена во 1926 година, луксузната вила има над десетина спални соби, осум бањи и се наоѓа на 12 хектари бујна шума и бујни тревници на само неколку метри од Средоземното Море.
Абрамович потроши околу 40 милиони евра за реставрација на замокот откако го купи во 2001 година, изгради 15-метарски базен на покривот и инсталираше масивна теретана и домашно кино.
Но, пред Абрамович да го купи, неверојатниот имот го користеле како викендица поранешниот англиски крал Едвард Осми и војводата и војвотката од Виндзор.
Замокот е еден од 12-те имоти на рускиот олигарх Роман Абрамович кои беа запленети од француските власти поради неговите наводни врски со Владимир Путин.
Инаку заплената е дел од големата операција во која во последните недели беа запленети или замрзнати повеќе од 25 милијарди евра готовина, движен и недвижен имот на руски олигарси, потврди француското Министерство за економски прашања.