ФИБА го промовираше логото на следното Европско кошаркарско првенство за мажи кое ќе се одржи во 2017 година.
Дизајнот на логото за шампионатот е инспирација од идејата дека кошарката е универзумот сам за себе, и дека во центарот на тој универзум е трофејот на Евробаскетот, со најсветлата ѕвезда Европа.
Голема улога во концептот на изгледот на логото имаше и растојанието од север кон југ меѓу четири места (домаќини) на шампионатот: Финска (Хелсинки), Израел (Тел Авив), Романија (Клуж) и Турција (Истанбул ), сите со уникатни различни географски и културни традиции, кои секој од домаќините ги носат сами за себе на овој настан, изјавуваат од ФИБА.
Европското кошаркарско првенство во 2017 година ќе се одржи во периодот од 31 август до 17 септември, а летово ќе се играат квалификациите.
Македонската репрезентација за место на ЕП ќе се бори против селекциите на Велика Британија, Унгарија и Луксембург.