Том Брејди не ја заврши кариерата, а пред само 40 дена најави повлекување.
45-годишниот најдобар бек во историјата на НФЛ лигата објави дека се враќа!
Брејди викендот го помина во Англија, поточно во Манчестер, каде го следеше премиерлигашкиот натпревар помеѓу Јунајтед и Тотенхем.
Кристијано Роналдо беше брилијантен, постигнувајќи хет-трик. Тие двајца се сретнаа по натпреварот и секако разговараа за оваа одлука да се врати на теренот.
Always a pleasure and a privilege to share some thoughts and ideas with another GOAT… 👏🏽👊🏽 pic.twitter.com/HsFe7UxjQ6
— Cristiano Ronaldo (@Cristiano) March 13, 2022
Том Брејди испрати јасна порака до фановите на социјалните мрежи.
,,Во последните два месеци сфатив дека моето место е сеуште на теренот, не на трибините. Ќе дојде време за тоа, но не сега. Ги сакам моите соиграчи и го сакам моето семејство кое ме поддржува. Тие прават се. Се враќам за својата 23-та сезона во Тампа. Имаме незавршена работа“, рече Брејди.
These past two months I’ve realized my place is still on the field and not in the stands. That time will come. But it’s not now. I love my teammates, and I love my supportive family. They make it all possible. I’m coming back for my 23rd season in Tampa. Unfinished business LFG pic.twitter.com/U0yhRKVKVm
— Tom Brady (@TomBrady) March 13, 2022
Брејди, кој е во брак со манекенката Жизел Бундхен, има седум титули во Супербоул, шест со Њу Ингланд и една со Тампа Беј Буканерс.
Пет пати беше МВП на Супербол, три пати МВП на целата НФЛ лига. Двапати беше најдобар офанзивен играч во НФЛ, три пати во првиот All-Pro тим, три пати во вториот All-Pro тим.
На натпреварот Пробол играше дури 15 пати.
Тој е сопственик на бројни рекорди кога е во прашање улогата на бек во американскиот фудбал.