Шпанскиот тенисер Карлос Алкараз нема да игра на Мастерсот 1000 во Рим кој е закажан од 6 до 19 мај 2024 година.
Светскиот рекет број 3 имаше проблеми со десната подлактица, но играше на Мастерсот во Мадрид каде беше елиминиран како бранител на титулата во четвртфиналето.
По поразот од Андреј Рубљев, тој зборуваше за проблемите со тој дел од телото, но рече и дека едвај чека да го види Новак Џоковиќ во Рим.
,,Чувствував непријатна болка во раката по играњето во Мадрид. Денеска направив преглед и имам оток на мускулот на подлактицата, кој е резултат на претходна повреда. За жал, не можам да играм во Рим, морам да почнам со закрепнување за да играм 100% без болки – напиша Карлос.
Sentí dolor después de jugar en Madrid, molestias en mi brazo. Hoy me hecho unas pruebas y tengo un edema muscular en pronador redondo, consecuencia de mi última lesión. Desgraciadamente no voy a poder jugar en Roma. Necesito descanso para recuperarme y poder jugar sin dolor al… pic.twitter.com/hCm87LLIhH
— Carlos Alcaraz (@carlosalcaraz) May 3, 2024
Ова е втор пат за краток период Карлос да го откаже учеството на дури три турнири.
За еден месец се откажа од Монте Карло, Барселона и сега од Рим.
Добрата вест за Новак е што и Јаник Синер го откажа својот настап во Рим и нема да може да се претстави пред домашната публика.
Причината е повреда која неодамна ја заработи во Мадрид, поради која мораше да се повлече од турнирот во главниот град на Италија.
Синер им порача на организаторите во Мадрид дека нема да може да игра во четвртфиналето против Феликс Огер-Алиасимо поради повреда на колкот, а сега излезе дека нема да може ниту да го започне натпреварувањето на турнирот во неговата земја.
Jannik Sinner is forced to withdraw due to an ongoing hip injury.
Best wishes for a speedy recovery, Jannik! We'll see you soon at the Foro Italico. 💪#IBI24 | @atptour pic.twitter.com/oIdBycNwI7
— Internazionali BNL d'Italia (@InteBNLdItalia) May 4, 2024
Отсуството на проектираниот втор носител и моментално второпласираниот на АТП листата ќе направи промени во самата ждрепка за Рим.
Тоа значи дека на Новак најголема конкуренција за титулата ќе му бидат руските тенисери Даниил Медведев и Андреј Рубљев, Германецот Саша Зверев, Гркот Стефанос Циципас и Норвежанецот Каспер Руд.