Фудбалските клубови Бока Јуниорс и Барселона на 14 декември ќе одиграат натпревар во чест на легендарниот аргентински фудбалер Диего Армандо Марадона.
Марадона почина на 25 ноември минатата година, па овој натпревар би бил годишен спомен на славниот играч кој настапуваше за овие два тима.
Сепак, потомците на Марадона не се многу ентузијасти од оваа идеја. Тие сметаат дека натпреварот кој треба да се игра во Саудиска Арабија е искористување на името на Марадона.
Сепак, зад оваа приказна се крие конфликтот меѓу ќерките на Марадона, Џанина, Далма и Џејн од една страна и адвокатот Матијас Морла од друга страна. Морла беше посредник во договарањето на споменатиот натпревар.
По смртта на познатиот фудбалер дојде до жесток конфликт меѓу семејството и адвокатот. Морла управува со комерцијалните интереси на брендот Марадона, а неговите ќерки го обвинуваат дека целта му е само финансиска добивка на сметка на неговиот татко.
„Ова е човек кој му пријде на татко ми како обожавател и сега тврди дека е сопственик на неговиот имиџ, име и интелектуална сопственост“, изјави неодамна Далма Марадона за Матијас Морли.
Морла, пак, ги обвини ќерките дека го запоставиле својот татко, и дека индиректно се виновни за неговата смрт бидејќи, спротивно на одлуката на лекарот, неколку недели пред смртта го извадиле од болница.