Во пресрет на секое Светско првенство во фудбал, планетата ја тресе еуфорија на Мундијалот, но веќе неколку децении тоа се чувствува не само на стадионите, улиците и домовите на навивачите, туку и пред продавачите на весници и места за состаноци каде што трескавично се разменуваат сликички.
Самолепливите хартиени богатства, кои голем број колекционери ги купуваат, собираат и ги пополнуваат во албумите на италијанската компанија „Панини“, станаа вообичаен фолклор на секои четири години од 1970 година, кога за прв пат беше објавен примерокот на компанијата за Светското првенство.
Годинава цената на сликичките го достигна својот врв, па се поставува прашањето колку пари се потребни за да се пополни еден колекционерски примерок, конкретно за Катар 2022.
Во пресрет на претходното Светско првенство во Русија, математичка проценка диктира дека за пополнување на албумот тогаш биле потребни 36.000 денари, што е двојно повеќе од сумата потрошена за албумот од ЕП 2016 година.
Тогаш една кесичка со сликичи чинеше 40 денари, а теоретски можеше да се купат 137 кесички, да се има неверојатна среќа што секоја слика е различна и да се потрошат околу 6000 денари за полнење на албумот.
Годинава пакувањето од пет налепници Панини чини 50 денари, а за да се соберат редовните 638 обични налепници, не сметајќи ги дополнителните 14, кои се набавуваат со купување на Кока-Кола, потребно е да се купат најмалку 128 кесички.
Тоа значи дека за комплетирање на албумот се потребни минимум 6500 денари, но оваа сума е скоро секогаш поголема, често и неколкукратно.
Сепак, ФИФА и Панини најдоа начин да ги задржат оние кои не се подготвени да издвојат десетици илјади денари за да додадат уште еден завршен албум во нивните колекции, па на веб-страницата на фудбалската организација сега е можно да се соберат виртуелни сликички на фудбалери, па за овој потег се одлучуваат голем број луѓе.
POV: everyone this time tomorrow for World Cup sticker launch…🙌🏻🔥 #gotgotneed @OfficialPanini pic.twitter.com/QnuxdQMEAB
— GBW / Jack (@GamerBoyWii) August 24, 2022