Ф1 возачот на Алпина, Фернандо Алонсо истакна дека тимот на Ферари за него оставил најдобар впечаток на тестовите пред сезоната 2022 во Формула 1.
Трофејниот Шпанец, смета дека тоа што болидот на Ферари е најбрз е добра вест за неговиот сонародник Карлос Саинц.
Ферари на тестовите успеа да ја покаже и издржливоста на болидот, бидејќи Саинц и Леклер извозеа 439 круга за три дена. Тоа е повеќе од кој било друг тим.
– Се чини дека Ферари моментално го има најбрзиот болид. Тоа секако е изненадување, но и одлична вест за Саинц и Шпанија. Иако, Мерцедес и оваа година очигледно е исклучително брз – заврши Алонсо.
Во последните две години, Ферари ги фрли сите карти на правење автомобили според новите правила за повторно да се бори за титулите.