Овој крилен играч на Баерн Минхен е на излезни врати од германскиот шампион поради се пократката минутажа кој ја добива од тренерот Пеп Гвардиола.
Се шпекулира дека холандскиот репрезентативец Арјен Робен кариерата ќе ја продолжи во Турција.
Холанѓанецот оваа сезона не игра многу, а сеуште има проблеми со честите повреди.
До минатата сезона беше еден од најдобрите во Баерн, но сега дефинитивно не е во прв план бидејќи Даглас Коста е фантастичен оваа сезона, а игра на неговата позиција.
Сепак оваа состојба во Баерн, сака да ја искористи Фенербахче поради фактот што во турскиот тим игра Робин Ван Перси кој дојде минатото лето во овој клуб.
Ван Перси би можел да биде клучен за трансферот на Робен во турската лига.
Робен оваа сезона одигра 7 натпревари во Бундеслигата и постигна 3 гола.